Ferðalag sem fer fram úr öllum þínum væntingum
Ísland er einstakt – land öfga og óviðjafnanlegrar náttúrufegurðar. Eldfjöll, jöklar, gufuhverir og norðurljós einkenna hið ógleymanlega íslenska landslag. Ísland kemur sífellt á óvart en þar finnur þú óvænt náttúruundur og ævintýri við hvert fótmál.
Höfuðborg Íslands, Reykjavík, iðar af lífi - þar eru fjölbreytt tækifæri og einstakt andrúmsloft. Allir ferðalangar geta fundið eitthvað við sitt hæfi - hina stórfenglegu Hallgrímskirkju, hvalaskoðunarferðir, Michelin-veitingastaði, ýmsar götuhátíðir og jarðhitaböð. Hún er jafnframt kjörinn upphafsstaður fyrir þau sem vilja skoða Gullna hringinn eða sjá norðurljósin.
Mælt er með eftirfarandi flugvöllum: Keflavíkurflugvöllur og Reykjavíkurflugvöllur.
Akureyri, höfuðstaður Norðurlands, býður upp á ævintýralega náttúru og fjölbreytta menningarupplifun. Þar má fara á skíði í Hlíðarfjalli, slaka á í Skógarböðunum, fara í hvalaskoðun, njóta listar, heimsækja kaffihús og skoða náttúruperlur eins og Goðafoss og Mývatn.
Mælt er með eftirfarandi flugvöllum: Akureyrarflugvöllur.
Egilsstaðir, höfuðstaður Austurlands, er umvafinn skógum, vötnum og fjöllum. Þar má finna stærsta skóg Íslands, Hallormsstaðaskóg, hið dularfulla Lagarfljót og svo er Stuðlagil í næsta nágrenni. Bærinn er einnig þekktur fyrir matarmenningu sína og hann státar af vinsælum náttúrulaugum, Vök Baths við Urriðavatn.
Mælt er með eftirfarandi flugvöllum: Egilsstaðaflugvöllur.
Höfn er heillandi sjávarþorp á Suðausturlandi, þekkt fyrir einstaka náttúrufegurð, ferska sjávarrétti og stórbrotin náttúruundur. Bærinn stendur við sjóinn og þaðan má sjá stærsta jökul Íslands, Vatnajökul. Höfn er kjörinn áfangastaður fyrir ferðalanga sem vilja skoða Jökulsárlón, svartar sandstrendur, íshella og Vestrahorn.
Mælt er með eftirfarandi flugvöllum: Hornafjarðarflugvöllur.
Ísafjörður, höfuðstaður Vestfjarða, er líflegur bær með ríka sjávarútvegssögu og hlýlegt andrúmsloft. Í grenndinni er að finna stórfenglega náttúru. Ísafjörður er menningar- og ævintýramiðstöð þar sem hægt er að fara í gönguferðir, kajaksiglingar, golf og yfir veturinn má fara á skíði í Tungudal. Hornstrandir eru einnig skammt undan.
Mælt er með eftirfarandi flugvöllum: Ísafjarðarflugvöllur.
Vestmannaeyjar standa við suðurströnd Íslands, þekktar fyrir eldfjallalandslag, sjávarútvegssögu og einstakt dýralíf. Heimaey, stærsta eyjan, býður upp á fjölbreytta afþreyingu eins og gönguferðir upp á Eldfell, heimsókn í Eldheima-safnið og skoðun á lundabyggðum við í klettunum.
Mælt er með eftirfarandi flugvöllum: Vestmannaeyjaflugvöllur.
Taktu ævintýrið á Íslandi enn lengra og farðu í þyrluflug. Mótaðu þína eigin ferðaáætlun og upplifðu landið frá alveg nýju sjónarhorni.
Leigðu einkaflugvél frá eða til Íslands með Air Broker Iceland. Starfsfólk okkar er til taks allan sólarhringinn til að tryggja að upplifun þín verði hnökralaus og þægileg.
