Upplifðu taktinn, bragðið og andann í Frakklandi!
Frakkland er land þar sem þú færð að njóta lífsins. Hver og einn staður hefur sinn takt og sjarma: morgunbolli á kaffhúsi í París eða gyllt sólarlag við strendur Miðjarðarhafsins. Frakkland er áfangastaður sem veitir innblástur og býður öll velkomin en þar má finna sögufrægar borgir, heimsklassa matargerð, list, tísku og stórbrotið landslag.
París, "borg ljósanna", er þekkt fyrir sögu sína, menningu og mikinn sjarma. Áin Signa glitrar við sólarupprás, Eiffelturninn mótar borgarsvipinn og á Louvre-safninu má finna heimsþekkt listaverk. París sameinar aldalanga sögu og nútímann og hver ferð er einstök. Sjáðu Notre Dame kirkjuna með eigin augum og labbaðu í gegnum heillandi götur Montmartre.
Mælt er með eftirfarandi flugvöllum: Paris Charles de Gaulle, Paris Orly, og Paris Le Bourget.
Nice, sem er staðsett við frönsku Rivíeruna, er sannkölluð Miðjarðarhafsperla sem býður upp á sól, strendur og menningu. Göngugatan Promenade des Anglais liggur meðfram stórkostlegri strandlengjunni, á meðan litríkur Gamli bærinn (Vieille Ville) og strandirnar skapa hlýlegt og aðlaðandi andrúmsloft. Milda loftslagið og fágaður glæsileiki borgarinnar laðar að bæði strandunnendur, sælkera og þá sem heillast af lífsstíl frönsku Rivíerunnar.
Mælt er með eftirfarandi flugvöllum: Nice Côte d’Azur Airport.
Lyon er borg sem gleður skynfærin enda þekkt sem höfuðborg franskrar matargerðar. Þarna er fullkomið að ganga um Renaissance göturnar, skoða dularföll göng sem kallast traboules og borða ósvikinn Lyon mat á notalegum "bouchons" (hefðbundnum veitingastöðum). Rómverskar rústir, basilíkur uppi í hæðunum og lifandi árbakkinn gefa borginni sérstakan karakter.
Mælt er með eftirfarandi flugvöllum: Lyon Saint Exupéry Airport.
"Bleika borgin", Toulouse, er fræg fyrir terrakotta byggingar og líflega námsmannastemningu. Borgin er miðstöð geimtækni í Evrópu og hún sameinar nýsköpun og ríka menningararfleifð. Kennileiti eins og Capitole, hin glæsilega Basilique Saint-Sernin, fagrir bakkar Garonne-árinnar og Cité de l’Espace miðstöðin endurspegla kraftmikinn og líflegan anda borgarinnar.
Mælt er með eftirfarandi flugvöllum: Toulouse Blagnac Airport.
Marseille er sögufræg hafnarborg við Miðjarðarhafið með einstakan sjarma og er jafnframt elsta borg Frakklands. Borgin heillar með andstæðum sínum - þar sem lífleg höfn Vieux-Port, litríkar götur Le Panier, stórfenglegt útsýni frá Notre-Dame de la Garde og ósnortin náttúra í Calanques þjóðgarðinum mætast. Fjölmenningarlegur kraftur borgarinnar, nálægðin við hafið og rík saga skapa ógleymanlega franska upplifun.
Mælt er með eftirfarandi flugvöllum: Marseille Provence Airport.
Bordeaux er á heimsminjaskrá UNESCO og liggur í suðvesturhluta Frakklands. Borgin er þekkt fyrir vínin sín, glæsilegar byggingar og líflega árbakka. Meðal helstu kennileita eru Place de la Bourse, La Cité du Vin, Saint-André-kirkjan og hinir fögru Quais de Bordeaux. Bordeaux blandar sögulegum þokka við nútímamenningu og er í miklum metum hjá öllum ferðalöngum, ekki síst matgæðingum.
Mælt er með eftirfarandi flugvöllum: Bordeaux Mérignac
Leigðu einkaflugvél frá eða til Þýskalands með Air Broker Iceland. Starfsfólk okkar er til taks allan sólarhringinn til að tryggja að upplifun þín verði hnökralaus og þægileg.
